Poet
kyon girata hai mire soch ki divar koi
kyon guzarta hai mire zehn se har baar koi
chaunk uTTha huun abhi apne ḳhayalat se main
yuun laga jaise khaḌa ho pas-e-divar koi
main hava huun to kahin se bhi guzar ja.unga
kyon ba-zid hai mujhe karne pe giraftar koi
dekhte dekhte ḳhvabon ka nagar raakh hua
ghaas ke Dher men aa kar gira angar koi
jhilmilane lage vaadi men kahin duur diye
phir bulata hai mujhe jhiil ke us paar koi
Leave a Reply