sham-e-haq sho.abada-e-harf dikha kar le jaa.e
kahin tujh ko hi na tujh se koi aa kar le jaa.e
pahne phirte hain jo pairahan-e-suqrat-o-masih
un ka bahrup na dil tera lubha kar le jaa.e
tu chaḌhava to nahin hai ki koi sehar-maqal
su-e-maqtal tujhe lafzon men saja kar le jaa.e
tu koi sukha hua patta nahin hai ki jise
jis taraf mauj-e-hava chahe uḌa kar le jaa.e
teri aqdar par-e-kah nahin hain ki junhi
koi lahar uTThe unhen saath baha kar le jaa.e
log to taak men hain aisa na ho koi tujhe
ḳhud tire ḳhauf ki zanjir pinha kar le jaa.e
ja-ba-ja shola-bayan charb-zaban taak men hain
koi tujh ko bhi na baton men laga kar le jaa.e
lafz tiron ki tarah va.az sinan ke manind
dil-e-vahshi ko kahan koi bacha kar le jaa.e
Leave a Reply