shahr-e-be-mehr men milta kahan dildar koi
kaash mil jaata hamen majma-e-aghyar koi
chiir de qalb-e-zamin tod de zanjir-e-zaman
chhed ab aisa fasana-e-dil-e-nadar koi
nala-e-dil se jigar hota hai chhalni yarab
sabr karti huun to chal jaati hai talvar koi
bujh gai rah-e-vafa Duub gai subh-e-umid
le ke ab aaega kya vaada-e-didar koi
ek ek kar ke hui bazm-e-mohabbat khali
nazar aata nahin ab yaar vafadar koi
jaane kin jabr ki zanjiron men jakdi hai hayat
hain kahin chara-e-vahshat ke bhi asar koi
ye zabann-bandi-e-ehsas ye jabr halat
jurm hai khole agar dida-e-bedar koi