dam-e-rukhsat jo un se kah ke main uttha khuda-hafiz
lage jhunjhla ke vo kahne bahut achchha khuda-hafiz
jo main jaata huun uth kar fi-amanillah kahta huun
tire munh se na o kafir kabhi nikla khuda-hafiz
kaha hai kis ne tum se chumo-chato ja ke patthar ko
tumhare zahido ab den o iman ka khuda hafiz
hifazat men vo dekhe ghair ki tujh ko qayamat hai
kabhi jo bad-gumani se na ho kahta khuda-hafiz
suna hai aaj vo but khuub hi ban-than ke aata hai
tire dil ka are o ‘anjum’-e-shaida khuda hafiz