koi bhi ham-safar nahin hota
dard kyuun raat bhar nahin hota
rah-e-dil ḳhud-ba-ḳhud hai mil jaati
koi bhi rahbar nahin hota
aah ka bhi na zikr kar ai dil
aah men bhi asar nahin hota
dil ko asudgi bhi kyunkar ho
gham se shir-o-shakar nahin hota
aah ai be-ḳhabar ye be-ḳhabari
dil-e-nadan ḳhabar nahin hota
dil ki rahen juda hain duniya se
koi bhi rahbar nahin hota
ab to mahfil se chal diya ‘farhat’
ab kisi ka guzar nahin hota
Leave a Reply