kisi patthar ki murat se mohabbat ka irada hai
parastish ki tamanna hai ibadat ka irada hai
jo dil ki dhadkanen samjhe na ankhon ki zaban samjhe
nazar ki guftugu samjhe na jazbon ka bayan samjhe
usi ke samne us ki shikayat ka irada hai
suna hai har javan patthar ke dil men aag hoti hai
magar jab tak na chhedo sharm ke parde men soti hai
ye socha hai ki dil ki baat us ke ru-ba-ru kar den
har ik beja takalluf se baghavat ka irada hai
mohabbat be-rukhi se aur bhadkegi vo kya jaane
tabiat is ada par aur phadkegi vo kya jaane
vo kya jaane ki apni kis qayamat ka irada hai
Leave a Reply