sham-e-ghurbat jo sar-e-sub.h-e-vatan TuTti hai
dekh ke tujh ko nigahon ki thakan TuTti hai
hansta rahta huun ki chhup jaa.en tire gham ke nuqush
ḳhanda-e-lab se jabinon ki shikan TuTti hai
pa-ba-jaulan rah-e-pur-ḳhar pe chalne valon
koi din aur ki kanTon ki chubhan TuTti hai
ishq-e-sani men hai ma.ashuq-e-guzishta ka ḳhayal
vaslat-e-nau pas-e-hijran-e-kuhan TuTti hai
guftugu lams bhi karta hai sar-e-ḳhalvat-e-shab
ḳhamushi bar-sar-e-mizrab-e-badan TuTti hai
Leave a Reply