Farasat Rizwi
sham-e-be-mehar men ik yaad ka jugnu chamka
aur phir ek hi chehra tha ki har-su chamka
ai charagh-e-nigah-e-yar main jaan se guzra
ab mujhe kya jo pa.e dil-zadagan to chamka
roz milte the to be-rang tha tera milna
duur rahne se tire qurb ka jaadu chamka
dil men phir bujhne laga zabt ka taara koi
phir miri nok-e-mizha par koi aansu chamka
taj-e-ḳhusrav ki chamak maand paḌi jaati hai
shahr ke kucha-o-bazar men lohu chamka
kho gaya hai unhi tarik ḳhalaon men kahin
vo bhi kya chand tha jis se mira pahlu chamka
main ne jaana ki ‘farasat’ koi gham-ḳhvar aaya
aks-e-mahtab kuchh is tarah lab-e-ju chamka
Leave a Reply