Saleem Figar
shaam Dhalte hi tire dhyan men aa jaata huun
yaad karti ho to ik aan men aa jaata huun
raat hai jashn miri ruuh ki azadi ka
sub.h phir jism ke zindan men aa jaata huun
main nahin kuchh bhi magar teri nazar paḌte hi
kuza-gar main kisi imkan men aa jaata huun
tujh se likkhe hain mire naqsh su-e-ḳhak yahan
asman se isi ehsan men aa jaata huun
dekh kar mujh ko chamakti hain nigahen teri
shukr hai main tiri pahchan men aa jaata huun
shaam bujhta hua suraj hai janaza din ka
main bhi chand ashk liye lawn men aa jaata huun
Leave a Reply