sham-e-gham aur sitaron ke siva
ji sake ham na saharon ke siva
talkhi-e-akhir-e-shab kaun sahe
hijr men dard ke maron ke siva
be-rukhi bhi to baja hai lekin
phuul kya chiiz hain kharon ke siva
kis ko fursat hai ki ho sair-e-chaman
mah-ru shola-eazaron ke siva
rang duniya men kai aur bhi hain
bahki bahki si baharon ke siva
jaane jannat men bhi kya rakkha hai
aise hi shokh nazaron ke siva
zindagi sab ko sada deti hai
haan magar arz-guzaron ke siva
Leave a Reply