bikhar rahi hai jo quvvat vo phir munazzam ho
shikast ho to zaruri nahin ki matam ho
sitare samt-numa hain to iktifa kaisi
zamin par bhi kahin jugnuon ka parcham ho
vo vaqt peT pe patthar hi bandhne ka hai
ki jab zamin pe hi ḳhandaqon ka mausam ho
vahi to vaqt munasib hai mo.ajize ke liye
kuchh aur atish-e-qaht-o-muhal barham ho
talash karte hue a.enge hararat-o-nur
abhi na sho.ala-e-ba.as-e-navaz maddham ho
Leave a Reply