Shajar to Kab Ka kaT Ke Gir Chuka Hai

shajar to kab kā kaT ke gur chukā hai

parinda shāḳh se lipTā huā hai

samundar sāhiloñ se pūchhtā hai

tumhārā shahr kitnā jāgtā hai

havā ke haath ḳhālī ho chuke haiñ

yahāñ har peḌ nañgā ho chukā hai

ab us se dostī mumkin hai merī

vo apne jism ke bāhar khaḌā hai

bahā kar le ga.iiñ maujeñ gharauñdā

vo bachcha kis liye phir hañs rahā hai

Leave a Comment