Ali Sardar Jafri
shaikast-e-shauq ko takmil-e-arzu kahiye
jo tishnagi ho to paimana-o-subu kahiye
khayal-e-yar ko dijiye visal-e-yar ka naam
shab-e-firaq ko gaisu-e-mushk-bu kahiye
charagh-e-anjuman-e-hairat-e-nazara the
vo lala-ru jinhen ab dagh-e-arzu kahiye
mahak rahi hai ghazal zikr-e-zulf-e-khuban se
nasim-e-subh ki manind ku-ba-ku kahiye
shikayaten bhi bahut hain hikayaten bhi bahut
maza to jab hai ki yaron ke ru-ba-ru kahiye
ba-hukm kijiye phir khanjaron ki dildari
dahan-e-zakhm se afsana-e-gulu kahiye
Leave a Reply