aks kis chiiz ka a.ina-e-hairat men nahin
teri surat men hai kya jo meri surat men nahin
donon aalam tiri nairang adaa.i ke nisar
ab koi chiiz yahan jeb-e-mohabbat men nahin
daulat-e-qurb ko ḳhasan-e-mohabbat janen
chand ashkon ke siva kuchh meri qismat men nahin
log marte bhi hain jiite bhi hain betab bhi hain
kaun sa sehr tiri chashm-e-inayat men nahin
sab se ik tarz juda sab se ik ahang juda
rang mahfil men tira jo hai vo ḳhalvat men nahin
nashsha-e-ishq men har chiiz uḌi jaati hai
kaun zarra hai ki sarshar mohabbat men nahin
dava-e-did ghalat dava-e-irfan bhi ghalat
kuchh tajalli ke siva chashm-e-basirat men nahin
ho ga.i jama mata-e-gham-e-hirman kyunkar
main samajhta tha koi parda-e-ghaflat men nahin
zarre zarre men kiya josh-e-tarannum paida
ḳhud magar koi nava saz-e-mohabbat men nahin
najd ki samt se ye shor-e-ana-laila kyuun
shoḳhi-e-husn agar parda-e-vahshat men nahin
Leave a Reply