Poet
shahr sahra hai ghar bayaban hai
dil kisi anjuman ka ḳhvahan hai
mujh se kahti hain vo udaas anhken
zindagi bhar ki sab thakan yaan hai
ḳhvab TuuTe paḌe hain sab mere
main huun aur hairaton ka saman hai
har masarrat gundhi hui dukh men
arz-e-azdad dasht-e-imkan hai
tu samundar ki be-kanari dekh
us men me.ar-e-zarf pinhan hai
hain rava saare na-rava us ko
ye na.e mausamon ka insan hai
mar ke pahuncha to huun lab-e-dariya
ḳhali ab tishnagi ka daman hai
sab ne ‘shahid’ chune pasand ke phuul
gul-kada phir bhi gul-ba-daman hai
Leave a Reply