Adeem Hashmi
kuchh hijr ke mausam ne sataya nahin itna
kuchh ham ne tira sog manaya nahin itna
kuchh teri judai ki aziyyat bhi kadi thi
kuchh dil ne bhi gham tera manaya nahin itna
kyuun sab ki tarah bhiig gai hain tiri palken
ham ne to tujhe haal sunaya nahin itna
kuchh roz se dil ne tiri rahen nahin dekhin
kya baat hai tu yaad bhi aaya nahin itna
kya janiye is be-sar-o-samani-e-dil ne
pahle to kabhi ham ko rulaya nahin itna
Leave a Reply