shahr par raat ka shabab utre
mujh pe tanhai ka azaab utre
ankhen barsen to tuut kar barsen
dhuup utre to be-hisab utre
ham nai fikr ke payambar hain
ham pe bhi ik nai kitab utre
pasliyon ke nahif nezon par
bhuuk ke zard aftab utre
khuub tha ehtimam-e-dar-o-rasan
ham vahan se bhi kamyab utre
shahr bahra hai log patthar hain
ab ke kis taur inqalab utre
‘afrin’ sher vo to jhute the
ab sadaqat ka koi baab utre
Leave a Reply