Muzaffar Iraj
shahr-e-be-saut men amaan mil jaa.e
koi patthar miri taraf hi aa.e
ik fasil-e-hava na rang na ruup
ik ḳhayal-e-ḳhuda mujhe bahka.e
mera chehra utarne vaalo
meri surat kise kise bahla.e
niila piila ghubar tanha peḌ
mere angan men chand bhi ghabra.e
khiḌkiyan apne jism ki kholo
kya ajab dhuup shaam tak aa jaa.e
yaḳh-zada munjamid kohar-alud
kaun chaTTan se phisalne paa.e
muztarib raat chashm-e-nam ‘iraj’
phuul shabnam ko bhi lahu rulva.e
Leave a Reply