‘shad’ uftad-e-har-nafas mat puchh
hazrat-e-qazi-o-asas mat puchh
ḳhuun bhi hai rag-e-hamiyyat bhi
kyuun nahin log Tas se mas mat puchh
phuul kanTon men tu ne dekha hai
mujh se halat-e-pesh-o-pas mat puchh
kya miri aarzu se vaqif hai
vo nigah-e-daqiqa-ras mat puchh
ashiyan-o-chaman ke dil-dada
tu kabhi vus.at-e-qafas mat puchh
chistan hai fareb-e-azadi
sharh-e-ijmal ko taras, mat puchh
qatl ka hukm hi sahi lekin
hai jo us ke gale men ras mat puchh
Leave a Reply