Ye Gul Jis Khak Se Laya Gaya Hai

ye gul jis ḳhaak se laaya gaya hai

use aflak se laaya gaya hai

chaman pe rang aata hi nahin tha

tiri poshak se laaya gaya hai

ye dil jis se main sharminda bahut huun

usi bebak se laaya gaya hai

ujala hai jo ye kaun-o-makan men

hamari ḳhaak se laaya gaya hai

ye jo kuchh bhi hai aaya hai kahan se

dil-e-sad-chak se laaya gaya hai

yahan kitnon ne dekha hai jo tufan

ḳhas-o-ḳhashak se laaya gaya hai

Leave a Comment