Sahartab Roomani
agar mizaj hi men gard gard hona tha
to phir janab ko sahra-navard hona tha
use pasand bahut niile vaale patthar hain
mujhe aqiiq nahin laj-vard hona tha
tumhen ye shahar basane ki kya zarurat thi
tumhen to apne qabile ka fard hona tha
ye ek soch musalsal jala rahi thi mujhe
mire ḳhayal ke mausam ko sard hona tha
‘sahar’ nahin tha koi aur dusra rasta
havas ki aag se jismon ko zard hona tha
Leave a Reply