a-g-josh

Shabab Aa Gaya Us Par Shabab Se Pahle

shabab aa gaya us par shabab se pahle

dikhai di mujhe taabir khvab se pahle

jamal-e-yar se raushan hui miri duniya

vo chamki dil men kiran mahtab se pahle

dil-o-nigah pe kyuun chha raha hai ai saaqi

ye teri aankh ka nashsha sharab se pahle

na pesh nama-e-aamal kar abhi ai ‘josh’

hisab kaisa ye roz-e-hisab se pahle

More Poems

Leave a Comment