Arif Imam
kuchh aise zaḳhm-e-zamana ka indimal kiya
kabhi namaz paḌhi aur kabhi dhamal kiya
laga.i zarb-e-shadid apne dil pe masti men
ḳhuda se TuuTa hua rabta bahal kiya
usi ki baat likhi chahe kam likhi ham ne
usi ka zikr kiya chahe ḳhal-ḳhal kiya
lo ham ne Dhaal liya ḳhud ko us ke paikar men
lo ham ne hijr ke arse ko bhi visal kiya
tumhare hijr men marna tha kaun sa mushkil
tumhare hijr men zinda hain ye kamal kiya
Leave a Reply