Ismail Merathi
aghaz-e-ishq umr ka anjam ho gaya
nakamiyon ke gham men mira kaam ho gaya
tum roz-o-shab jo dast-ba-dast-e-adu phire
main pa.emal-e-gardish-e-ayyam ho gaya
mera nishan miTa to miTa par ye rashk hai
vird-e-zaban-e-ḳhalq tira naam ho gaya
dil chak-chak naghma-e-naqus se hua
sab para-para jama-e-ahram ho gaya
kya ab bhi mujh pe farz nahin dosti-e-kufr
vo zid se meri dushman-e-islam ho gaya
allah re bosa-e-lab-e-mai-gun ki aarzu
main ḳhaak ho ke durd-e-tah-e-jam ho gaya
Leave a Reply