Siya Sachdev
tera hi zikr harsu tira hi bayan mile
kholun koi kitab teri dastan mile
duniya ke shor-o-shar se bahut tang aa ga.e
mumkin hai ab tiri hi gali amaan mile
paida to kar bulandiyan apne ḳhayal men
shayad usi zamin pe tujhe asman mile
bas ek baar us se mulaqat kya hui
ta-umr apne aap ko phir ham mile
mahsus tere qadmon ki ho ahaTen jahan
un raston pe bikhri hui kahkashan mile
DhunD to tu kahin bhi dikha.i na de mujhe
dekhun to zarre zarre men tu hi nihan mile
vo bad-nasib hai jo bhaTakte hai dar-ba-dar
vo ḳhush-nasib jin ko tera astan mile
Leave a Reply