Saleem Figar
shab men tulua-e-chehra-e-mahtab kijiye
aghaz raushni ka naya baab kijiye
ye malgaji si raat dhuan aur ye visal
is mehrban-e-vaqt ko adab kijiye
main tishnagi sameT ke laaya huun umr ki
yak lamha-e-visal men sairab kijiye
aise to un men aks mira Duub ja.ega
ankhen na apni ḳhana-e-sailab kijiye
pachhta raha huun ḳhud ko haqiqat men Dhaal kar
mizhgan pe rakh ke phir se mujhe ḳhvab kijiye
ik bahr-e-be-karan men ise Dhaal dega ilm
us ke sipurd fikr ka talab kijiye
Leave a Reply