Sufi

Wahshat Mein Koi Kar-e-Numayan Na Kar Sake

vahshat men koi kar-e-numayan na kar sake

daman ko jeb jeb ko daman na kar sake

dard-e-darun ka vo bhi to darman na kar sake

dushvari-e-hayat ko asan na kar sake

tar khun-e-dil se navak-e-janan na kar sake

ham itni bhi to khatir-e-mehman na kar sake

kuchh aise jald khatm hue zindagi ke din

ham eatibar-e-umr-e-gurezan na kar sake

dariya men gharq dekhne vaale bhi ho gae

mujh ko magar havala-e-tufan na kar sake

jalvon ko dekhti rahi meri nigah-e-shauq

kuchh bhi harim-e-naz ke darban na kar sake

rahte hue qafas men zamana guzar gae

tark-e-khayal-e-sair-e-gulistan na kar sake

sau hashr intizar men ham par guzar gae

aur aai ek hashr ka saman na kar sake

vo sakht-jan the ki zamane ke hadsat

shiraza-e-hayat pareshan na kar sake

ham aise ja ke be-khud-e-ehsas ho gae

andaza-e-kashakash-e-zindan na kar sake

badnam kar diya mujhe ‘afqar’ zamane men

ikhfa-e-raz dida-e-giryan na kar sake

More Poems

Leave a Comment