Peer Akram
shab ki ankhon se jo gira hoga
chand ban kar chamak raha hoga
ratjage de ke umr bhar ke hamen
vo hasin ḳhvab dekhta hoga
shahr-e-shab men pukar kar dekhun
koi insan to jagta hoga
ek jhankar si suna.i di
ik tasavvur bikhar gaya hoga
sochta huun mire liye shayad
vo bhi raton men jagta hoga
vo bhi tanha udaas lamhon men
mere baare men sochta hoga
teri ranjish baja sahi ‘akram’
tujh se vo bhi to kuchh ḳhafa hogashab ki ankhon se jo gira hoga
chand ban kar chamak raha hoga
ratjage de ke umr bhar ke hamen
vo hasin ḳhvab dekhta hoga
shahr-e-shab men pukar kar dekhun
koi insan to jagta hoga
ek jhankar si suna.i di
ik tasavvur bikhar gaya hoga
sochta huun mire liye shayad
vo bhi raton men jagta hoga
vo bhi tanha udaas lamhon men
mere baare men sochta hoga
teri ranjish baja sahi ‘akram’
tujh se vo bhi to kuchh ḳhafa hoga
Leave a Reply