baat mehndi se lahu tak aa ga.i
guftugu ab tum se tu tak aa ga.i
ab vo shaghl-e-chak-damani kahan
ab tabi.at to rafu tak aa ga.i
jaan jaa.e yaar hai ab Dar nahin
baat apni aabru tak aa ga.i
aarzu thi jis ko paane ki hamen
justuju us aarzu tak aa ga.i
buuTe buuTe se numayan hai bahar
Daali Daali rang-o-bu tak aa ga.i
vasl ki shab aur itni muḳhtasar
baton baton men vuzu tak aa ga.i
Leave a Reply