Shaheen Abbas
ḳhvab ko ḳhushnuma banate hue
raat guzri diya banate hue
mere lahje se ḳhuun risne laga
ḳhamushi ko dua banate hue
shahar ke shahar kar diye mismar
apna ḳhalvat-kada banate hue
apni si ḳhaak uḌa ke baiTh rahe
apna sa qafila banate hue
zaal duniya ko kya safa.i den
kya banaya hai kya banate hue
ḳhaak aur ḳhuun jam.a karta huun
dasht miTta hua banate hue
Leave a Reply