Poet
kho ga.e harf-o-ma.ani mere
kya kiya dushman-e-jani mere
main ne dariya se ravani chahi
ḳhvab saare hue paani mere
saare manzar hain nazar men ab tak
dukh sabhi ke hue ya.ani mere
mujh se naraz na hona sahab
tum hi gham-ḳhvar ho saani mere
ret ka Dher hai buniyad miri
tu ne ye kya kiya baani mere
bhiiḌ men jaane kahan chhuT ga.e
monis-e-ahd-e-javani mere
aks mub.ham hue a.ine men
saare kirdar the faani mere
Leave a Reply