shab-e-siyah hai naddi ke paas baiThe hain
kisi ki yaad men tanha udaas baiThe hain
guzar rahe hain manazir nazar ke aage se
sabhi se chhupte hue bad-havas baiThe hain
jage sitaron ki mahfil ujaḌne vaali hai
idhar pahan ke andhere libas baiThe hain
hamare ba.ad use kaun hai jo sunta ho
fareb kha ke bhi ham us ke paas baiThe hain
yahi maqam tha aḳhir men ishq valon ka
ghamon se duur kahin gham-shanas baiThe hain
Leave a Reply