Shab-E-Gham Ki Sahar Nahin Hoti

Poet

shab-e-gham ki sahar nahin hoti

dastan muḳhtasar nahin hoti

jab kisi ki nazar nahin hoti

ham ko apni ḳhabar nahin hoti

ba.az auqat apne dil par bhi

ahl-e-dil ki nazar nahin hoti

Dagmagate nahin qadam jis ja

vo tiri rahguzar nahin hoti

jis masarrat men gham na ho shamil

vo kabhi mo’atabar nahin hoti

dard jab ḳhud hi apna darman ho

minnat-e-chara-gar nahin hoti

dil-e-‘muztar’ se jo nikalti hai

vo sada be-asar nahin hoti