Rah-E-Hayat Mein Wo Bhi Maqam Aaega

rah-e-hayāt meñ vo bhī maqām aa.egā

yagāna kaam na begāna kaam aa.egā

surūr-e-bāda-e-ranj-o-ġham-e-hayāt kabhī

na kaam aayā kisī ke na kaam aa.egā

hamārī zindagī-e-muḳhtasar kā sarmāya

hamāre ba.ad zamāne ke kaam aa.egā

badal chukī hai fazā ab nizām-e-ālam kī

na kaam daana kisī ke na daam aa.egā

yaqīñ hai tishna-laboñ ko ki un kī mahfil meñ

vo jab bhī aa.egā bāda-ba-jām aa.egā

vo jis kī yaad satātī hai rāt-din ‘fāriġh’

na qabl-e-sub.h na vo ba.ad-e-shām aa.egā

Leave a Comment