Laxmi Narayan Farigh
rah-e-hayat men vo bhi maqam aa.ega
yagana kaam na begana kaam aa.ega
surur-e-bada-e-ranj-o-gham-e-hayat kabhi
na kaam aaya kisi ke na kaam aa.ega
hamari zindagi-e-muḳhtasar ka sarmaya
hamare ba.ad zamane ke kaam aa.ega
badal chuki hai faza ab nizam-e-alam ki
na kaam daana kisi ke na daam aa.ega
yaqin hai tishna-labon ko ki un ki mahfil men
vo jab bhi aa.ega bada-ba-jam aa.ega
vo jis ki yaad satati hai rat-din ‘farigh’
na qabl-e-sub.h na vo ba.ad-e-sham aa.ega
Leave a Reply