puja-bhatia

Shab Dhali Utar Gaya Phir Ishq Ka Nasha Mera

shab Dhali utar gaya phir ishq ka nasha mira

kya hua vo der tak usi ko DhunDhna mira

uljhanen tamam umr zaat men rahin mire

kaash mere haath phir lage koi sira mira

mujh se vo sukun mangta hai ye bhi din hai ek

jo tamam umr hi bana raha khuda mira

zindagi jo ji gai udasiyon se thi bhari

ye pairahan bhi tha ghamon ke thaan se sila mira

marsiya jo padh saka na laash par miri abhi

vo ga raha hai mahfilon men ban ke ashna mira

saans luun to yuun lage koi gunah kar diya

ab to koi faisla suna hi de khuda mira

More Poems

Leave a Comment