Raziq Ansari
hamara maqsad agar safar hai tavil karna
shumar aise men kis liye sang-e-mil karna
agar mohabbat ke case men ho hamari peshi
hamari maano to apne dil ko vakil karna
hamare ghar men jidhar se nafrat ka daḳhila hai
bahut zaruri hai aise raston ko seel karna
dilon ke rishte ko ek sazish ka naam de kar
hai un ka maqsad mohabbaton ko zalil karna
hamen pata hai tumhen jo ye sab sikha raha hai
agar suno sach to pesh jhuTi dalil karna
Leave a Reply