Basheer Munzir
ham bayabanon men ghume shahr ki saḌkon pe Tahle
dil kisi surat to sambhle dil kisi surat to bahle
zindagi ke raste men do-ghaḌi ka saath hai ye
apne man ki main bhi kah luun apne man ki tu bhi kah le
goya zinda rahna bhi ik jurm tere shahr men tha
ham har ik aahaT pe larze ham har ik dhaḌkan pe dahle
ab to ta-hadd-e-nazar viraniyan phaili hui hain
ghar ka ye be-dar ḳharaba kitna tha abad pahle
vaqt aisa aa gaya hai ḳhamushi behtar hai ‘munzir’
baat jo kahta hai sun le choT jo lagti hai sah le
Leave a Reply