Ghayas Anjum
saz-e-hayat qaid-o-salasil kahen kise
jab dil hi bujh gaya ho to phir dil kahen kise
rudad-e-gham tavil to itni nahin magar
koi kahan hai madd-e-muqabil kahen kise
bachte bachate mauj-e-havadis se aa ke ham
sahil pe Duub jaa.en to sahil kahen kise
dast-e-dua bhi kaaT ke ahbab chal diye
hal-e-dil-e-shikasta men shamil kahen kise
‘anjum’ hamara ahd hai bahrupiyon ka ahd
jo hai naqab-posh hai qatil kahen kise
Leave a Reply