abul-hasanat-haqqi

Numu To Pahle Bhi Tha Iztirab Maine Diya

numu to pahle bhi tha iztirab main ne diya

phir us ke zulm-o-sitam ka javab main ne diya

vo ek Dubti avaz-e-baz-gasht ki aa

saval main ne kiya tha javab main ne diya

vo aa raha tha magar main nikal gaya kahin aur

so zakhm-e-hijr se badh kar azaab main ne diya

agarche honton pe paani ki buund bhi nahin thi

sulagte lamhon ko ek sail-e-ab main ne diya

khula hai pahlu-e-pur-josh be-muhaba aa

ik aur mashvara-e-inqilab main ne diya

ye mujh se girya-e-bebak kyuun nahin hota

to apne dard ko khud pech-o-tab main ne diya

nakhil-o-kisht ko sairab main nahin karta

zamin ko qarz magar be-hisab main ne diya

badan khud apni hi tajsim kar nahin paate

qarib aaya to ankhon ko khvab main ne diya

More Poems

Leave a Comment