Sarwar Nepali
aaj divane ko be-vaj.h sataya jaa.e
phuul taaza koi balon men lagaya jaa.e
main sar-e-am paḌhun koi ghazal logon men
un ki janib hi faqat mera ishara jaa.e
paas hain vo dil-e-bimar dua-go hai ajab
dard jaa.e na mira na hi masiha jaa.e
faisla hasb-e-tabi.at ye mohabbat ne kiya
ik tarah gham ho salamat gham-e-duniya jaa.e
rok len aaj to shahin-e-bulandi-e-ḳhayal
aaj ‘sarvar’ ke paron ko chalo katra jaa.e
Leave a Reply