silsila-dar-silsila juzv-e-ada hona hi tha
aḳhirash teri nazar ka mudda.a hona hi tha
ku-ba-ku sahra-ba-sahra ham-safar tha iztirab
ik naya mahshar naya ik hadsa hona hi tha
Das raha tha teri yadon ka musalsal azhdaha
lahza lahza fikr men ik saneha hona hi tha
haath uTThe chashm-e-tar thi dil bhi tha mahv-e-fughan
hashiya-dar-hashiya harf-e-dua hona hi tha
khinch li thi ik lakir-e-na-rasa ḳhud darmiyan
fasla-dar-fasla-dar-fasla hona hi tha
Leave a Reply