Jamal Ehsani
savera ho bhi chuka aur raat baaqi hai
zarur dil men abhi koi baat baaqi hai
ye log kis qadar aram se hain baiThe hue
agarche hone ko ik vardat baaqi hai
kuchh aur zaḳhm-e-mohabbat men baḌh ga.i hai kasak
ye soch kar ki abhi to hayat baaqi hai
ye gham juda hai bahut jald-baz the ham tum
ye dukh alag hai abhi ka.enat baaqi hai
jo meri teri mulaqat ka sabab tha kabhi
vo lamha tere bichhaḌne ke saath baaqi hai
tamam beḌiyan to kaaT Daali hain lekin
‘jamal’ qaid-e-nafs se najat baaqi hai
Leave a Reply