savan men ghabra jaata hai
dil mera sahra jaata hai
alif samajh men aa jaave to
sab kuchh paḌhna aa jaata hai
barf ka ik ik aansu pi kar
dariya vajd men aa jaata hai
asl safar hai vahan se aage
jahan talak rasta jaata hai
laḌki mele men tanha thi
soch ke dil baiTha jaata hai
jab main jangal ho jaata huun
mor nachne aa jaata hai
shayad us ne dastak sun li
dekho dar khulta jaata hai
niind ke biin bajate hi ‘ashk’
bistar men saanp aa jaata hai
Leave a Reply