saval raushni ka tha javab likh rahe the ham
paron pe jugnuon ke aftab likh rahe the ham
jo ḳhushk lab ko tar na kar sake to raat ye hua
samundaron ko ḳhvab men sarab likh rahe the ham
tamam sar-bulandiyan thiin sar nigun khaḌi huiin
shikastagi-e-zat par kitab likh rahe the ham
to marhaba ki ik sada haram ki samt se uThi
qasida-e-janab-e-bu-turab likh rahe the ham
varaq se daf.atan hi ansuon ki ik mahak uThi
ba-nam-e-‘mir’ aaj intisab likh rahe the ham
Leave a Reply