Poet
puchhta kaun vafa se us ki
mar ga.e log bala se us ki
dekho kis taur sanvar jaata hai
mujh sa sahra bhi ghaTa se us ki
yaar ham ḳhak-ba-sar ḳhak-nashin
is faza men hain hava se us ki
ab koi sub.h jaga.egi kya
ham ko uThna hai sada se us ki
lauT ja.egi bahar us ke saath
sabz mausam hai faza se us ki
zikr karte hain qaza se us ka
ham jo jiite hain dava se us ki
zaḳhm ke phuul khile hain tan men
lahlahata huun hava se us ki
Leave a Reply