main ne bilkul nahin chaha ki koi baat baḌhe
us ne jab haath baḌhaya to mire haath baḌhe
yaar aise kabhi izzat nahin milne vaali
apni auqat men aa jaao ki auqat baḌhe
mujhe us se to koi aur nahin tha matlab
main ne chaha tha zara mel-mulaqat baḌhe
us ne agah kiya lauT ke jaane se mujhe
aur phir meri taraf kitne hi sadmat baḌhe
kuchh sitaron ka gareban nahin bachne vaala
haath ye mera agar su-e-samavat baḌhe
Leave a Reply