Siya Sachdev
tasavvurat men dil ki uḌaan dekh zara
usi zamin se kabhi asman dekh zara
abhi to jism ke hi ghaav tu ne dekhe hain
jo mere dil pe hain vo bhi nishan dekh zara
tu is se pahle karen baat ghair sanjida
mira mizaj mire qadr-dan dekh zara
dhuan bhi ho gaya ab to fazaon se gha.eb
kahan hai shahr men mera makan dekh zara
haqir nazron se ai mujh ko dekhne vaale
mira gharana mira ḳhandan dekh zara
zamin phaTne ka karti huun intizar ‘siya’
mira junun mire imtihan dekh zara
Leave a Reply