jalte the tum kuun dekh ke ghair anjuman men ham
pahunche the raat shama ke ho kar baran men ham
tujh bin jagah sharab ki piite the dam-ba-dam
piyale siin gul ke khuun jigar ka chaman men ham
laate nahin zaban pe ashiq dilon ka bhed
karte hain apni jaan ki baten nayan men ham
marte hain jaan ab to nazar bhar ke dekh lo
jiite nahin rahenge sajan is yathan men ham
aati hai us ki bu si mujhe yasman men aaj
dekhi thi jo ada ki sajan ke badan men ham
jo kui ki haiga aap kuun rakhta hai aap aziiz
yusuf hain apne dil ke miyan pairahan men ham
kyuun kar na hove click hamara guhar-fishan
karte hain ‘abru’ ye takhallus sukhan men ham
Leave a Reply