Ali Sardar Jafri
sard hain dil atish-e-ru-e-nigaran chahiye
shoala-rang-e-bahar-e-gul-ezaran chahiye
manzil-e-ishq-o-junun ke fasle hain sar-ba-kaf
in kathin rahon men lutf-e-dast-e-yaran chahiye
kat rahi hai aur kat chukti nahin fasl-e-khizan
tez-tar ik aur tegh-e-nau-baharan chahiye
aaj mai-khane men sehr-e-chashm-e-saqi ke liye
iltifat-e-chashm mast-e-mai-gusaran chahiye
is dil-e-vahshi ki azadi ka kya kiije ilaaj
ik kamand-e-gesu-e-yazdan-shikaran chahiye
naghma ban jaata hai naala un ki bazm-e-naz men
un ko khush rakhne ko shor-e-sogvaran chahiye
asmanon se baraste hain zamin par regzar
aaj phir ‘sardar’ raqs-e-barq-o-baran chahiye
Leave a Reply