Nabeel Ahmad Nabeel
sar jhuka kar shaah ke darbar men
chhed ham ne sau kiye dastar men
zindagani jaisi ye anmol shai
kaaT di hai hasrat-e-be-kar men
damanon men bharte hain mahrumiyan
le ke ḳhali jeb ham bazar men
surḳhiyan ban kar ugalti hai lahu
adamiyat shaam ke aḳhbar men
sar ko Takrate rahe ham umr-bhar
dar koi nikla nahin divar men
jis qadar bharta raha unchi uḌaan
aadmi girta gaya me.aar men
sab parinde kar ga.e hijrat ‘nabil’
kaun baiThe saya-e-ashjar men
Leave a Reply